Setningarathöfn
Íslenska sjávarútvegssýningin 2014 var formlega opnuð með glæsilegri setningarathöfn af ráðherra sjávarútvegs og landbúnaðar, Sigurði Inga Jóhannssyni, að viðstöddum bæjarstjóra Kópavogs, Ármanni Ólafssyni, og heiðursgestinum Ólafi Ragnari Grímssyni, forseta Íslands.

Erlendir gestir
Fulltrúar Grimsby, eins helsta vaxtasvæðis sjávarútvegs á Bretlandseyjum, sóttu Íslensku sjávarútvegssýninguna í von um að laða að íslenskar fjárfestingar. Sem dæmi um íslensk fyrirtæki sem þegar hafa notið góðs af tengslum sínum við sjávarútvegssamtökin í Bretlandi má nefna sýnendurna Atlantic Fresh og Icelandic Seachill.

Umtalsverður fjöldi erlendra VIP-gesta sótti Íslensku sjávarútvegssýninguna til þess að kynna sér nánar tæknilegar nýjungar og afla sér þekkingar á því hvernig hámark eigi hagnað af vinnslu fiskúrgangs. Þar má m.a. efna stórar sendinefndir frá Noregi, Namibíu og Bangladess.

Allt í fullu fjöri á félagsmiðlunum
Íslenska sjávarútvegssýningin hóf árið 2014 að nýta sér félagsmiðla á borð við Twitter, LinkedIn, Facebook, Pinterest og YouTube auk hinnar nýju bloggsíðu IceFish.

Það gekk því mikið á, ekki síst á Twitter þar sem áskrifendur miðluðu og tóku við nýjustu upplýsingum og uppfærslum, auk þess að eiga samskipti við menn alls staðar að í sjávarútvegi með sömu áhugamál.

Sem dæmi um vinsæl tíst á Twitter má nefna upplýsingar um að forseti Íslands hefði verið viðstaddur setningarathöfnina og að nefnd frá sjávarútvegsráðuneyti Nígeríu hefði sótt sjávarútvegssýninguna, auk þess sem mynd af leðurstígvélum gerðum úr þorskroði fór víða.
 
Hópur verðlaunahafa
Í beinu framhaldi af fyrsta sýningardegi hófst sjötta afhending Íslensku sjávarútvegsverðlaunanna þar sem fagnað var árangri bæði einstaklinga og fyrirtækja í sjávarútvegi.

Verðlaunaafhendingin átti sér stað með athöfn að kvöldi 25. september 2014 í boði ráðuneytis sjávarútvegs og landbúnaðar og Kópavogsbæjar í hinu glæsilega Gerðarsafni. Meðal verðlaunahafa sjöttu Íslensku sjávarútvegsverðlaunanna voru fyrirtækin Marel og Valka sem bæði framleiða hátæknibúnað og kerfi til fiskvinnslu, og útgerðarfyrirtækið HB Grandi.

Allir sýningarbásar fylltust svo það er engin ástæða til þess að fresta því að tryggja sér svæði á næstu Íslensku sjávarútvegssýningunni sem haldin verður enn á ný í Kópavogi árið 2017.