Hugmyndin á bak við ValuePump er stór snigill sem myndar meginhluta kerfisins og gefur færi á að nýta margvíslegan búnað meðan fiskurinn færist frá inntaki snigilsins yfir í úttakið.

„Það sem við erum með er dæla, sem að auki getur stytt blæðingartíma verulega meðan fiskarnir streyma í gegn,“ útskýrði Ingólfur Árnason, framkvæmdastjóri og stofnandi Skagans 3X.

En það er rétt byrjunin. ValuePump-búnaðurinn er ekki bara notaður til að blóðga fiskinn hratt og örugglega, heldur býður hann einnig upp á möguleika til að kæla, frysta, afþýða, sótthreinsa eða sjóða fiskinn sem fer í gegn, enda ræður kerfið við hitastig allt frá 20 stiga frosti allt upp í 80 stiga hita. Ennfremur er möguleiki á að láta lifandi fisk fara í gegnum kerfið til aflúsunar.

„Þetta býður upp á möguleika til að auka framleiðni verulega, þar sem snigilformið þýðir að hægt er að undirkæla fiskinn tvisvar til þrisvar sinnur hraðar þegar þessi aðferð er notuð. Fiskvinnsla krefst hraða, og þetta er búnaður sem getur mjög hratt náð fram besta mögulega ástandi á fisknum,“ sagði hann.

„Satt að segja er þetta búnaður með mikinn sveigjanleika og fjölhæfa nýtingarmöguleika sem hægt er að koma fyrir í vinnslukerfi. Tvær dælur ættu að duga til að anna allri flutningsþörf heillar verksmiðju.“

Hann tók fram að ValuePump er ekki flókinn tæknibúnaður, þar sem byggt er á því að sameinga hugmyndir sem verkfræðingar Skagans 3X hafa nú þegar unnið með, en það er samsetningin sem gerir þetta kerfi einstakt í sinni röð og afar sveigjanlegt.

„Þetta er í grundvallaratriðum ekki flókinn tæknibúnaður, þótt notast sé við mikið af þeirri tæknisem við höfum sjálf þróað, eins og tæknina til að flytja hita,“ sagði Ingólfur Árnason.

„Hann ræður við allt frá smáfiski upp í 10 kg fisk, og hann getur verið hvort sem er uppsjávarfiskur eða botnfiskur, villtur fiskur eða eldisfiskur, og er þá hægt að velja á milli ólíkrar meðferðar meðan fiskurinn fer í gegnum kerfið. Þetta er nýtt tæki í verkfæratöskunni, og hægt er að hafa ValuePump-búnaðinn stóran eða lítinn allt eftir þörfum,“ sagði hann.

„Markmiðið er að komast eins nálægt því og við getum að halda fisknum ferskum í 30 daga með kælingu sem virkar,“ sagði hann, og bætti því við að ValuePump-búnaðurinn hafi fengið afar góð viðbrögð.

„Það er nákvæmlega þessi nýjum sem við ætlum að kynna á IceFish 2020. Það verður forgangsmál hjá okkkur næstu 18 mánuðina að kynna kosti þess fyrir mögulegum viðskiptavinum á væntanlegum sýningum í greininni, eins og til dæmis á Íslensku sjávarútvegssýningunni á næsta ári. Það er alltaf spennandi að sýna á IceFish hér á Íslandi, heimavettvangi okkar. Sýningin dregur enn að sér gesti víðs vegar að úr heiminum og er orðin að föstum viðburði á dagatali Skagans 3X.“

Ef þú hefur áhuga á að sýna, styrkja, koma eða tala á IceFish 2020, hringdu þá í +44 01329 825 335 eða sendu tölvupóst á info@icefish.is.