Verðlaunin þykja eftirsótt og eru þekkt á alþjóðlega vísu, sem IceFish verðlaunin. Hefð er fyrir því að þau séu afhent á fyrsta degi sýningarinnar og vettvangurinn er ávallt hið fallega Gerðasafn í hjarta Kópavogs.

Athöfnin hófst með móttöku, þar sem viðstöddum gafst gott tækifæri til að tengjast og ræða viðskipti og ný tækifæri.

Kynnir kvöldisins var hinn geðþekki og þrautreyndi sjónvarpsmaður Logi Bergmann Eiðsson og leysti hann hlutverk sitt skemmtilega af hendi. Verðlaunin sjálf eru styrkt af Samskip, Landsbankanum, Brammer á Íslandi og breska sendiráðinu. IceFish verðlaunin eru veitt þeim sem hafa náð framúrskarandi árangi og ná verðlaunin til allra anga sjávarútvegs.

Verðlaunin voru kynnt til sögunnar árið 1999 og áttu að vekja athygli á frábærum árangri bæði í íslenskum sjávarútvegi og um leið á alþjóðlegum vettvangi. Virðing IceFish verðlaunanna hefur vaxið í áranna rás og í dag nota þau fyrirtæki sem verðlaunuð eru, verðlaunin til markaðsetningar, bæði innan lands og utan.

Verðlaunahafar eru valdir af tveimur dómnefndur, Guðjón Einarsson ritstjóri Fiskifrétta stýrir annari dómnefndinni og Carly Wills ritstjóri World Fishing hinni. Tekið er við tilnefningum um íslensk fyrirtæki og alþjóðleg. Tilefnd eru fyrirtæki í ýmsum stærðarflokkum og ólíkum greinum sjávarútvegs.

Verðlaunahafar IceFish verðlaunanna 2014 eru:

Besta nýjungin á sýningunni:                                                                  POLAR FISHING GEAR

Besti sýningarbásinn (minni básar)                                                       SJÓVÁ

Besti sýningarbásinn (stærri básar)                                                       ICELANDIC GROUP HF

Besti lands-, svæðis- eða hópbásinn                                                     GRINDAVÍK

Framúrskarandi íslenskur skipstjóri                                                       VÍÐIR JÓNSSON KLEIFABERGI RE-70

Framúrskarandi íslensk útgerð                                                               ÍSFÉLAG VESTMANNAEYJA

Framúrskarandi íslenska fiskvinnsla                                                      HB GRANDI

Fraúrskarandi framlag til íslensks sjávarútvegs                                   SKINNEY-ÞINGANES

Framúrskarandi íslenskur birgi. Veiðar (minni fyrirtæki)                   3XTECHNOLOGY/SKAGINN

Framúrskarandi íslenskur birgi. Veiðar (stærri fyrirtæki)                   HAMPIÐJAN

Framúrskarandi íslenskur birgi. Fiskvinnsla (minni fyrirtæki)            VALKA

Framúrskarandi íslenskur birgi. Fiskvinnsla (stærri fyrirtæki)            MAREL

Framúrskarandi erlendur birgi. Veiðar (minni fyrirtæki)                    JTELECTRIC       

Framúrskarandi erlendur birgi. Veiðar (stærri fyrirtæki)                    RAYMARINE

Framúrskarandi erlendur birgi. Fiskvinnsla (minni fyrirtæki)             UNISYSTEM

Framúrskarandi erlendur birgi. Fiskvinnsla (stærri fyrirtæki)             CRAEMER GROUP

Framúrskarandi birgi í heildina – valinn úr hópunum öllum              MAREL